اتعلم محاسبة صح اتعلم محاسبة صح
recent

آخر الأخبار

recent
recent
جاري التحميل ...
recent

كيف يتم معالجة الديون المعدومه والديون المشكوك في تحصيلها





س : كيف يتم معالجة الديون المعدومه والديون المشكوك في تحصيلها 

توضيح بمثال


بتبدا دوره العملاء بيسموهم البعض الزباين..بتعمل شركتنا سياسه البيع بالاجل..وده غالبا معظم الشركات بتشتغل بيه ..المهم لما يجى عميل يشترى مننا بالاجل لازم المحاسب ياخد الخطوات الاتيه..يعمل للعميل فتح حساب ورقى..يعنى ملف ورق
العميل يقدمه لشركتنا فيه صوره من سجله التجارى وصوره من بطاقته الشخصيه وصوره من ترخيص البلديه له واهم شى فى الملف ده ايصال امانه بقيمه هما الاتنين يتفقوا عليها بحيث ما المحاسب يطلع للعميل ده بضاعه اكبر من قيمه ايصال الامانه ده ... ويحدد مده الا ئتمان ال المفروض العميل ما يتاخر عنها وهى فى الواقع شهرين او تلانه .كده المحاسب عمل الخطوه الاولى. باقى خطوه يفتح للعميل حساب فى دليل الحسابات عنده وفرضا اسم العميل شركه الهدى للتجاره....الان العميل طلب بضاعه وليكن بقيمه ٣٠٠٠٠٠ .
المهم المحاسب أصدر فاتورة بالبضاعه ويكون العميل اخد بضاعته ومشى المحاسب يقوم مسجل العمليه كالاتى
من ح / العملاء [شركه الهدى التجاريه ] ٣٠٠٠٠٠
الى ح / المبيعات ٣٠٠٠٠٠
بعد كده مثلا العميل شركه الهدى سدد ١٥٠ الف
المحاسب يعمل القيد كالاتى
م ح / الحزينه ١٥٠٠٠٠
الى ح / العملاء ( شركه الهدى التجاريه ) ١٥٠٠٠٠
بعد فتره عرفنا أن العميل ده عنده مشاكل فى شغله وطالبناه بباقى المبلغ وهو مش راضى يدفع او متعثر ....اول خطوه ياخدها المحاسب يقوم مقدم فى المحكمه ملفه الورقى ال عمله فى الاول وال فيه ايصال امانه ....المحكمه تاخد اجراتها وفيه حالتين ..اما العميل يسدد الباقى ونقول
من ح/ النقدية ١٥٠٠٠٠
الى ح/ العملاء ( شركه الهدى التجاريه ) ١٥٠٠٠٠
وحده يكون حساب العميل اتقفل وخلص
الحاله التانيه ان هو يهرب مثلا او يفلس او يدخل السجن وفى الحاله ده اصبح الديون ال عنده بح ...بيسموها ديون معدومه...ولما اتاكد انا كمحاسب ان الدين ما فيه رجاء يرجع اعمله مصروف بالقيد ده
من ح / مصروفات الديون المعدومه ١٥٠٠٠٠
الى ح / العملاء ( شركه الهدى التجاريه )١٥٠٠٠٠

عن الكاتب

Moahmed

التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

جميع الحقوق محفوظة

اتعلم محاسبة صح

2016