اتعلم محاسبة صح اتعلم محاسبة صح
recent

آخر الأخبار

recent
recent
جاري التحميل ...
recent

ما هي قيود المرتبات








#قيد_المرتبات
من مذكورين
ح / مصروف المرتبات الادارية
ح / مصروف مرتبات التشغيل
ح / مصروف المرتبات البيعية والتسويقة
ح / مصروف التأمينات الاجتماعية .. حصة الشركة
الى مذكورين
ح / السلف
ح / الهيئة القومية للتأمينات الاجتماعية.. حصة الشركة والعامل
ح / مصلحة الضرائب - ضريبة المرتبات
ح / النقدية او المصروفات المستحقة
قيد مكلكع ايه اللخبطة دى 

#ابسطهالك
صلى بينا على النبى وتعالى نفهم القيد حته حته

1- لازم وانا بعمل قيد المرتبات افصلهم حسب طبيعتهم يعنى
يعنى مرتبات الادارة والمحاسبين هقول عليهم #المرتبات_الادارية ودول هيروحوا #المصروفات_العمومية_والادارية فى قائمة الدخل
ومرتبات العمال بتاعت المصنع هقول عليهم #مرتبات_التشغيل ودول هيروحوا #تكلفة_البضاعة_المباعة فى قائمة الدخل
ومرتبات مندوبى المبيعات والناس بتاعت التسويق هقول عليهم #المرتبات_البيعية_والتسويقية ودول هيروحوا #مصاريف_البيع_والتسويق فى قائمة الدخل

2- #التأمينات_الاجتماعية دى فلوس بتدفع شهريا للتأمينات عشان الموظف يبقى ليه معاش ان شاء الله
وهى بتتحسب نسبة 40 % من المرتب الاساسى للموظف ونسبة تانيه على المرتب المتغير .. مش موضوعنا دلوقتى
يعنى لو موظف مرتبه 100 ج يبقى عليه تأمينات ب40 ج #قوم_ايه_بقى
القانون قالك الموظف يدفع من مرتبه 14 ج اللى هى حصة العامل والشركة تدفعله 26 ج من جيبها اللى هى حصة الشركة وده مصروف بالنسبة للشركة
وكمان القانون خلى الشركة هى المسئولة انها تخصم 14 ج من الموظف وتحط عليهم 26 ج وبعد كده تروح تسددهم لهيئة التأمينات
#عشان_كده
قولنا ح / مصروف التأمينات مدين ب26 ج اللى هم الفلوس اللى الشركة بتدفعهم من جيبها
وقولنا ح / الهيئة القومية للتأمينات الاجتماعية دائن 40 ج لانه التزام يعنى دين على الشركة لهيئة التأمينات
#عالهامش
فى بعض الشركات مبتخصمش من الموظف ال14 ج وبتدفعله هى 40 ج بالكامل من جيبها فى الحالة دى هنقول ح / مصروف التأمينات الاجتماعية مدين ب40 ج
ولما الشركة تسدد نقول
من ح / الهيئة القومية للتأمينات الاجتماعية
الى ح / النقدية او البنك

3- بالنسبة #ضريبة_المرتبات او كنا زمان بنقول عليها ضريبة كسب العمل ، قانون الضرايب خلى الشركة هى المسئولة انها تحسب ضريبة المرتبات وتخصمها من الموظف وبعد كده تروح تسدها لمصلحة الضرايب
عشان كده قولنا ح / مصلحة الضرايب دائن لانه التزام يعنى دين على الشركة لمصلحة الضرايب
لما الشركة تسدد نقول
من ح / مصلحة الضرائب - ضريبة المرتبات
الى ح / النقدية او البنك.

4- بالنسبة #للسلف لما الموظف بياخد سلفه بقول
من ح / السلف .. ده اصل لى عند الموظف
الى ح / النقدية
ولما اجى اقبضه مرتبه لازم اخصم منه السلفة عشان بقفلها واقول ح / السلف دائن 

5- احنا فى المحاسبة بنمشى وفقا لاساس الاستحقاق يعنى لازم اسجل المصروف ساعة مايستحق على حتى لو لسه مدفعتهوش
عشان كده اخر الشهر بيستحق على كشركة مرتبات الموظفين فلو انا دفعت المرتبات للموظفين يوم 31 يبقى اقول ح / النقدية دائن
ولو انا هقبض الموظفين فى بداية الشهر الجديد يبقى لازم يوم 31 اخر يوم فى الشهر اثبت مصروف المرتبات يعنى اعمل القيد اللى فوق ده واخلى ح / مصروفات مستحقة دائن لانه التزام يعنى دين على للموظفين
ولما اقبض الموظفين فى بداية الشهر الجديد اقول
من ح / مصروفات مستحقة
الى ح / النقدية
#خلى_بالك سواء هتقبضهم يوم 31 او فى الشهر الجديد فانت هتقبضهم الصافى يعنى مرتبهم - السلف - حصتهم فى التأمينات - ضريبة المرتبات

عن الكاتب

Moahmed

التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

جميع الحقوق محفوظة

اتعلم محاسبة صح

2016