اتعلم محاسبة صح اتعلم محاسبة صح
recent

آخر الأخبار

recent
recent
جاري التحميل ...
recent

مثال عملي عن التدفقات النقديه cash flow





التدفقات النقديه والسندات

السندات تعتبر قروض الشركه بتصدرها وبيشتريها مستثمرين


موضوع السندات هنشرحه معانا قدام


الى يخصنا دلوقتى فى موضوع التدفقات النقديه هو خصم اصدار السندات وعلاوه اصدار السندات
خصم اصدار السندات دى بيكون لما الشركه بتنزل السند باقل من قيمته
بمعنى السند قيمته الاسميه الى مكتوبه عليها 100 وهى بتطرحها للمستثمرين ب 90
معنى كده ان فيه خصم اصدار يساوى 10 جنيه بمعدل فائده 10% بمده خمسه سنوات
ويكون القيد المحاسبى كالتالى
90 ح/ النقديه
10 ح/ خصم اصدار السندات
الى
100 ح/ السندات
تمام ده قيد عادى - احنا بنسجل السند كالتزام على الشركه بقيمته الاسميه ال 100
وهنحسب الفائده على القيمه الاسميه هى طبعا الفائده ليها نظام فى حسبتها ليها طريقتين
واحده اسمها طريقه القسط الثابت والثانيه طريقه معدل الفائده الحقيقى دول هنشرحهم معانا قدام مش موضوعنا دلوقتى احنا بنركز على خصم اصدار السندات والفوائد
= 100* 10% = 10 جنيه
ويكون قيد الفوائد كالاتى
12 ح/ فائده قرض السندات ( الفائده المدفوعه 10 جنيه + 2اهلاك خصم الاصدار
الى
10 ح/ النقديه بالبنك
2 ح/ خصم اصدار السندات ( الاهلاك السنوى لخصم الاصدار)
طيب خصم الاصدار بنعمله حاجه زى الاهلاك على عدد سنوات قرض السندات ده اهلاك خصم الاصدار السنوى ده بيعتبر مصروف يضاف الى قيمه الفائده المدفوعه على القرض و يخصم فى قائمه الدخل والقيد بيكون
يعنى خصم الاصدار ده بيزود من قيمه الفوائد المستحقه على الشركه بسبب السندات
عرفنا ان ال 12 هتكون مخصومه فى قائمه الدخل
بالنسبه للتدفقات النقديه
كنا قولنا قبل كده ان الفوائد التمويليه بالرغم من انها مصروف نقديه الا ان احنا بنضيفها فى التسويات على صافى الربح قبل الضريبه علشان نشيل اثرها من صافى الربح
وبعد كده بنرجع نخصمها من الانشطه التشغيليه يعنى بتكون تدفق نقدى خارجى
او فى التمويلى بس الافضل التشغيلى
هنا هنضيف ال 10 فى التسويات على صافى الربح قبل الضريبه ونرجع نخصمها من النشاط التشغيلى ولكن ال 2 هنضيفها فقط على صافى الربح قبل الضريبه لانه مصروف غير نقدى
طبعا هو المثال الى فوق ده توضيحى - حسبناها على اساس سند واحد فقط للتسهيل

عن الكاتب

Moahmed

التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

جميع الحقوق محفوظة

اتعلم محاسبة صح

2016