اتعلم محاسبة صح اتعلم محاسبة صح
recent

آخر الأخبار

recent
recent
جاري التحميل ...
recent

مثال عملي علي بيع الاصول الثابته












  بيع الاصول الثابته ؛
الحته دى  تعالى نشوفها بسرعه كده لانها ساعات بتيجى اسئله فى المقابلات و الناس بترخم فيها مع انها هايفه جداااا  ,, عندما نبيع اصل ثابت فى 3 حالات اما نبيعه بقيمته الحاليه ولانحقق ربح او خساره او نبيعه باقل من قيمته ونحقق خساره او نبيعه باكثر ونحقق ربح .
مثلا عندنا اصل ب 20000 ج ومجمع اهلاكه ب 15000 وبعناه ب 5000 او 7000 او 3000 احسب
حاله المعادله 5000 ج
حاله الربح 7000 ج
حاله الخساره 3000 ج

5000
15000



20000
من مذكورين
ح/بنك
ح/مجمع اهلاك
   الى ح /الاصل

7000
15000




20000
2000
من مذكورين
ح/بنك
ح/مجمع اهلاك
الى مذكورين
ح/اصل
ح/أ.خ

3000
15000
2000





20000

من مذكورين
ح/بنك
ح/مجمع اهلاك
 ح/أ.خ
الى مذكورين
ح/اصل











خلى بالك ان الاصل طبيعته مدين ,,, علشان كده بقفله بنفس قيمته الدفتريه دائن علشان اقفله ..
خلى بالك برضو ان مجمع الاهلاك طبيعته دائن ,, علشان كده بحولوه بنفس القيمه مدين علشان اقفله ..
خالى بالك ان الفلوس الل اخدتها من بيع الاصل مدينه دااااائماااااااا
الفرق بقا لو بالموجب هيكون خساره ولو سالب يكون ربح كده
الاصل – مجمع الاهلاك  – النقد ( ثمن البيع )  = ×××
الحاله الاولى = + 20000 – 15000 – 5000 = صفر ( يعنى معادله .. ولا ربح ولا خساره )
الحاله الثانيه = + 20000 – 15000 – 5000 = - 2000 يعنى دائن .. يعنى مكسب
الحاله الثالثه = + 20000 – 15000 – 3000 =  + 2000 يعنى مدين .. يعنى خساره

اعتقد كده ان اى حد يعرف بالمعادله المفتكسه دى ( المفتكسه = انا اللى مخترعها و مفتكسها ) يعرف يظبط اى اصل و يعمل اى قيد يقف فى طريقه ولو اى حد اى ان كان قالك نص ربع تلت حرف عن عدم صحه المعادله دى قولو ,,,,,, خد فطيرررررررررك هع هع هع هع هع هع ,, و خلى عندك ثقه فيا يا اما متقراش كتبى و كلامى لانك كده هتكون مش بتحترمنى وده انا لا اقبله نهائيا ,,,,,
وفى كل الحالات بنكون قفلنا ح مجمع الاهلاك و ح الاصل ولا يظهر لهما اى اثر فى الميزانيه .

رابعــا    نقــاط متفرقــة ؛
النقاط دى بقا حاجات كده بتيجى فى دماغى و انا بقول عليها علشان تفيد ان شاء الله و تزيدكم فهما  بس برضو خلينى اقول انها مش مترتبه فى راسى وانا بقول عشوائى ,,,

( أ ) اول حاجه هقولها يا برنس و يا برنسيس ,,,, انا كل اصل ثابت فى الدنيا بيحسب له اهلاك الا ,,,,
الا ايه ؟؟؟؟ الاراضى طبعا ,,,,, بس فى حاله كده وحيده بحسب للاراضى فيها اهلاك ,, هيا ايه ؟؟؟؟؟
هيا لما بستفيد من الارض دى .. يعنى بستخرج منها حاجه تتباع و تجيب لى فلوس ,,,, زى المناجم و ابار البترول و الفحم و المعادن و الغاز وبلابلابلابلا,,,
طيب ليه بعمل لها اهلاك ؟؟؟؟؟ لانها تستنفذ و يكون ليها عمر انتاجى و قيمه و بعدها بتساوى صفر فى الاخر و مفيش منها فائده ,,, علشان كده بطبق عليها المبادئ بتاعتى كمحاسب ,,,

( ب ) تانى حاجه اقولها لما يكون عندى مبنى بتاعى بس فى ارض الغير .... كانى استاجرت ارض  اقمت عليها مبنى او مصنع .... و مده عقد الايجار 30 سنه ....
اول حاجه اثبت الاصل ده بس مش هسميه مبانى ولا عقارات ... هسميه حساب مستقل عن المبانى ولو انه فرعى منه بس هسميه ح \ انشاءات فى ملك الغير ,,,, يعنى انشاء ليا بس فى ارض ملك الغير ,,,
طيب لو الارض بتاعتى  و انا اجرتها  لحد وجه انشاء لى فيها مبنى .....
انا مالى يا عم ... انا اجرتها انشله يعملها مسرح منوعات ليلى ,,, هع هعهعهع
يعنى انا بثبت ايراد ايجار اراضى بس ....... الى ح \ ايرادات اخرى – ايجار اراضى
طيب لو الارض دى بتاعتى و انا دخلت بيها حصه فى شركه ؟؟؟؟
هتثبت لى فى راس مالى كحصه بتاعتى فى الشركه و دى زى اللى بيدخل ب اصول فى شركه بتتعمل كده
من مذكورين
ح \ اصول ثابته ( مبانى وا راضى وبلابلابلا
ح \ اصول متداوله ( برضو كل المتداوله و كل واحد على حده سواء ثابت او متداول
الى مذكورين
ح \ الخصوم ( ده لو فى يعنى
ح \ راس مال البرنس ,,,,,

تابعونــــــــــــــــــــــــــــــــــــــا ,,,, J
( ج ) طيب بقرض انى استاجرت حته ارض و كان عليها اصلا مستودع او مصنع بس قديم ,, وانا عاوز اصلحه شويه وادخل عليه نحسينات تؤدى الى زياده عمره بدل ما السقف ينقط على ميا و الكهرباء كل شويه تفصل و الصرف يطفح على و ’’,,,’’,,  اعمل ايه ؟؟؟؟؟
$$ فى ناس قالت دى هحسبها صيانه المبنى  و اعمل القيود كده
من ح \ م عموميه – او م التشغيل ( صيانه ’’’’’’’’ )          الى ح \ الصندوق او البنك ,,,
××× اعترض و بشده ,,, واحد يقولى ليه يا عم انت جاى تعترض و خلاص ؟؟ انت حافظ مش فاهم ؟؟
اقوله لا يا ابو لسان طويل انت ,,, بس انا علشان اثبت صيانه اى حاجه ( اى اصل ثابت ) لازم يكون اصل ثابت فى ملكى ,,, انما ده ال ثابت ولكنه ليس ملكا لى ,,, فيخمتو ,,,,
يعنى انا علشان انزل صيانه لعربيه .. لازم تكون ملكى مش مؤجره ولا مستلفها ,, بس فى حاله تانى لما يكون فى عقد ايجار ينتهى بالتمليك فى الحاله دى بحسب صيانه عادى وليها حوار هنقولو بعدين  ,,
طيب خلينا اكمل و اقول انه فى الحاله دى بفتح حساب اسمه تحسينات و ده بيكون تحت الصروف المقدم و فى ناس تانى بتقول انى احطه فى الاصول الثابته بس انا شايف انها الادق م . مقدم و احسن من الاصول ... لانى لما بعمل التحسينات دى بتكون مبلغها كبير نسبيا و حرام انى احملها كلها على سنه واحده .. بل بالعكس المفروض انى احملها على عده سنوات اللى بيستفيد منها المشروع ,, وكل ما اعمل تحسينات على المبنى ده بسجلها كده بقيد :
من ح \ م مقدم - تحسينات المستودع او المخزن او المصنع ,,,,,,
اىل ح \ الصندوق
و باجى اخر السنه بفرض انى هوزع المبلغ ده على 5 سنوات وهو مده ايجار المخزن ,, بحسب اللى يخص السنه و انزله من المصروف المقدم ده و احمله على السنه عادى جدااا زى اى مصروف مقدم ,,

( د ) فى بقا حته كمان كده بتاع اعاده التقدير ,,,  دى حته خلى بالك منها لانها بتتسال فى المقابلات بتاع الناس البروفيشينال يا بروف ,,,, بيقولك بفرض انى عندى ارض قيمتها او تكلفتها التاريخيه او الدفتريه هى مليون جنيه ,,, و بعد 4 سنين لاقيت انها بقت قيمتها 3 مليون جنيه ,,, وانا عاوز اعمل لها اعاده تقدير بالمبلغ الجديد و احسب الفرق = 2 مليون جنيه ارباح راسماليه ,,, ايه القيود اللى تتعمل وايه الخطوات ؟؟؟
الحل :
الاراضى لا يحسب لها اهلاك باى طريقه من الطرق المعروفه على الاطلاق ,, ( باستثناء المناجم و كده )
يعنى ولا اعاده تقدير ولا قسط ثابت ولا اى بطيخ يا باشا و عيب عليك انا واد صاحى و مقطع فى الشغلانه دى و مش انت الى هتشتغلنى بكلمتين يا عم الحاج ,,,
و بكده تاكد ان الراجل اللى بيعمل معاك الانتر فيو هيطردك من المكتب ,, هع هع هع هع هع هع  و روح بقا اسرح بعربيه بطاطا ... سخنه و معسله يا بطاطا هع هع هع هع ,,,
عارف ليه مش هنحسب اهلاك ليها ؟؟؟ لانها هتعمل ربح وهمى = غير حقيقى بالقيمه دى مما يؤدى الى زياده الربح الصافى حتى لو كانت الشركه خسرانه = غش و تدليس و هتخالف كل مبادئ المحاسبه المتعارف عليها من حيطه و حزر و بلابلابلابلا
$$$ فى حل بقا شيطانى و رخم ,,,,,
انك تعمل بيع صورى للارض ب 3 مليون .. وبكده تبقى كسبت 3 مليون ,, و ترجع تشتريها تانى صورى برضو ب 3 مليون او اكتر او اقل .. و تزود اصولك مما يزيد قوه المركز المالى للشركه و يزيد ارباحها وبلابلابلا ...,,, بس لو اتمسكت و اتشطبت الشركه من هئيه سوق المال و البورصه انا ماليش دعوه بيك ,,

( هـ ) حته كمان لزيزه ,,,, اعاده الاصل بعد اكتمال اهلاكه ,,,
بيقولك بفرض ان عندى اصل اكتمل اهلاكه تماما ... وجات الاداره الهندسيه فى المصنع او الشركه و قالت ان الاصل ده ينفع يشتغل سنتين كمان بالرغم من انتهاء اهلاكه .. يعنى عدلنا عمره الانتاجى ,,, هعمل ايه ؟
$$ فى ناس قالت نقدر القيمه الجديده للاصل ( طريقه اعاده التقدير ) و نعمل قيد بالقيمه الجديده
50 الف من  ح \ اصول ثابته – الات و معدات ( اله كذا كذا )
الى ح \ راس المال ( و يوزع على الشركاء بالنسب )
×××× اعترض بشده .. لانى لازم كده اعمل افصاح عن ده فى القوائم و علشان اعمل كده لازم اوحد طريقه احتساب الاهلاك يا اما كلها قسط ثابت او كلها اعاده تقدير ....ولا يجوز اطلاقا انى اعمل اصل او مجموعه اصول بطريقه و مجموعه اخرى بطريقه اخرى تحت اى ظرف ,,,
$$ فى ناس تانى قالو انى اعيد الحسابات و ارجع الاهلاك و خدو المثال ده ..
بفرض ان عندى اصل ب 120 الف و عمره 4 سنين و اتضح ان عمره المفروض يبقى 6 سنوات بعد التعديل واعاده التقدير للاصل – بس اكتشفنا ده او اتضح ان الاصل ينفع سنتين كمان بعد ما انتهى عمره الانتاجى و انتهى اهلاكه ... نعمل ايه ؟؟؟؟
1.    اعيد فرق الاهلاك السابق كده
قسط الاهلاك = 120 ÷ 6 = 20 الف ..
مده 4 سنوات = 20× 4 = 80 الف ,,,
يبقى الفرق اللى يعاد = 120 – 80 = 40 الف و ده اللى هنرجعه من تانى فى مجمع اهلاك الاصل

عن الكاتب

Moahmed

التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

جميع الحقوق محفوظة

اتعلم محاسبة صح

2016